ചേരാനല്ലൂർ വാഹനാപകടം; മരിച്ച ജയബാലകൃഷ്ണന്റെ കുടുംബത്തെ സന്ദർശിച്ച് ആഭ്യന്തര മന്ത്രി

കൊച്ചി: 17 വയസ്സുകാരൻ ഓടിച്ച ബെൻസ് കാറിടിച്ച് സ്കൂട്ടർ യാത്രികൻ മരിച്ച സംഭവത്തിൽ മരിച്ച ജയബാലകൃഷ്ണന്റെ കുടുംബത്തെ ആഭ്യന്തര മന്ത്രി രമേശ് ചെന്നിത്തല സന്ദർശിച്ചു.

ചേരാനല്ലൂരിലെ വീട്ടിലെത്തിയ മന്ത്രി കുടുംബാംഗങ്ങളുമായി സംസാരിച്ചു. അപകടവുമായി ബന്ധപ്പെട്ട കേസിൽ കുടുംബത്തിന്റെ താൽപര്യപ്രകാരം സ്പെഷ്യൽ പബ്ലിക് പ്രോസിക്യൂട്ടറെ നിയമിക്കുമെന്നും മന്ത്രി ഉറപ്പുനൽകി.

അപകടത്തിൽ ജയബാലകൃഷ്ണൻ മരിച്ചതിനെത്തുടർന്ന് കുടുംബം നീതി ആവശ്യപ്പെട്ടിരുന്നു. കേസിന്റെ തുടർനടപടികളിൽ കുടുംബത്തിന് ആവശ്യമായ നിയമസഹായം ഉറപ്പാക്കുമെന്ന് മന്ത്രി അറിയിച്ചു.