വരൻ ആരെന്ന് അവസാനം വരെ രഹസ്യം! ഗുരുവായൂരിൽ വിവാഹിതയായി നടി അമൃത നായർ

ഗുരുവായൂർ: വരനെക്കുറിച്ചുള്ള വിവരങ്ങൾ അവസാന നിമിഷം വരെ സർപ്രൈസായി സൂക്ഷിച്ച മലയാളം മിനിസ്ക്രീൻ താരം അമൃത നായർ വിവാഹിതയായി. ഗുരുവായൂർ ക്ഷേത്രത്തിൽ അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹച്ചടങ്ങ്.

ബിസിനസുകാരനായ അഖിലാണ് അമൃതയുടെ വരൻ. വിവാഹത്തിന്റെ ചിത്രങ്ങളും വീഡിയോകളും സമൂഹമാധ്യമങ്ങളിൽ പ്രചരിക്കുന്നുണ്ട്.ജനപ്രിയ പരമ്പരയായ ‘കുടുംബവിളക്കി’ലെ ശീതള്‍ എന്ന കഥാപാത്രത്തിലൂടെ പ്രേക്ഷകരുടെ മനസിൽ ഇടംനേടിയ താരം ആണ്.

വരനെക്കുറിച്ചുള്ള ആകാംക്ഷ നിലനിന്നിരുന്നതിനാൽ വിവാഹവാർത്ത പുറത്തുവന്നതോടെ താരത്തിന്റെ ആരാധകർക്കിടയിലും വാർത്ത ശ്രദ്ധ നേടുകയാണ്.