രാത്രി രണ്ട് മണി,എന്നിട്ടും ജയന്തി പുലിയെ പൂട്ടി..!

വളർത്തുനായയെ പിന്തുടർന്ന് വീട്ടിനുള്ളിലെത്തിയ പുലിയെ മുറിയിൽ പൂട്ടി നാട്ടുകാരെ വിവരമറിയിച്ച ഉത്തരാഖണ്ഡിലെ നൈനിറ്റാളിൽ നിന്നുള്ള ജയന്തി ദേവി ഇന്ന് നാട്ടിലെ സൂപ്പർ ഹീറോയാണ്. ജയന്തി ദേവി വീട്ടിൽ തനിച്ചായിരുന്ന സമയത്തായിരുന്നു അപ്രതീക്ഷിതമായി വളർത്തുനായയെ പിന്തുടർന്ന് പുലി വീട്ടിലേക്ക് പാഞ്ഞെത്തിയത്. എന്നിട്ടും ധൈര്യത്തോടെ ബുദ്ധിപൂർവ്വം പുലിയെ പിടികൂടാൻ ജയന്തിയ്ക്ക് കഴിഞ്ഞു.നൈനിറ്റാൾ ജില്ലയിലെ ബേതാൽഘട്ട് ബ്ലോക്കിലുള്ള ടല്ലി സേഥി ഗ്രാമത്തിൽ കഴിഞ്ഞ ഞായറാഴ്ച രാത്രി വൈകിയായിരുന്നു സംഭവം. പുലർച്ചെ രണ്ടിനും, മൂന്നിനും ഇടയിൽ വളർത്തുനായയെ പിന്തുടർന്നെത്തിയ പുലി, നായയുടെ പിന്നാലെ വീടിനുള്ളിലേക്ക് കടക്കുകയായിരുന്നു.