പാലക്കാട് റവന്യൂ ജില്ലാ കലോത്സവം: ലോഗോ ക്ഷണിച്ചു

ഷൊർണൂർ: പാലക്കാട് റവന്യൂ ജില്ലാ കലോത്സവത്തിന്റെ ഭാഗമായി ലോഗോ മത്സരം സംഘടിപ്പിക്കുന്നു. ഒന്ന് മുതൽ പ്ലസ് ടു വരെ ക്ലാസുകളിൽ പഠിക്കുന്ന വിദ്യാർത്ഥികളിൽ നിന്നാണ് സ്വന്തമായി രൂപകൽപ്പന ചെയ്ത ലോഗോകൾ ക്ഷണിച്ചിരിക്കുന്നത്.

നവംബർ 30, ഡിസംബർ 1, 2, 3 തീയതികളിലായി ഷൊർണൂരിലെ KVR ഹയർ സെക്കൻഡറി സ്കൂൾ, സെന്റ് തെരേസ ഹയർ സെക്കൻഡറി സ്കൂൾ എന്നിവിടങ്ങളിലാണ് ജില്ലാ കലോത്സവം നടക്കുന്നത്.

പങ്കെടുക്കാൻ താൽപര്യമുള്ള വിദ്യാർത്ഥികൾ സ്ഥാപന മേധാവിയുടെ സാക്ഷ്യപത്രം സഹിതം തയ്യാറാക്കിയ ലോഗോ നവംബർ 10-ന് വൈകിട്ട് 5 മണിക്ക് മുമ്പായി hmkvrhs@gmail.com എന്ന ഇ-മെയിൽ വിലാസത്തിൽ അയക്കണം.

തിരഞ്ഞെടുക്കപ്പെടുന്ന ലോഗോയുടെ സൃഷ്ടാവിന് കലോത്സവ ഉദ്ഘാടനച്ചടങ്ങിൽ പുരസ്‌കാരവും ക്യാഷ് അവാർഡും സമ്മാനിക്കും.

കൂടുതൽ വിവരങ്ങൾക്ക് പബ്ലിസിറ്റി കൺവീനർ ബിജു പി.യെ 9747522531 എന്ന നമ്പറിൽ ബന്ധപ്പെടാം.