ട്രെയിൻ യാത്രക്കാരുടെ സുരക്ഷയിൽ നിർണായക ഉത്തരവുമായി സുപ്രീം കോടതി!

ഇനി മുതൽ റെയിൽവേ കൗണ്ടറുകൾ വഴി നേരിട്ട് എടുക്കുന്ന ടിക്കറ്റുകൾക്കും ഇൻഷുറൻസ് പരിരക്ഷ നിർബന്ധമാക്കി. ഓൺലൈൻ ടിക്കറ്റുകൾക്ക് ലഭിക്കുന്ന അതേ ഇൻഷുറൻസ് ആനുകൂല്യം ഇനി കൗണ്ടർ ടിക്കറ്റുകൾക്കും ബാധകമായിരിക്കും.  

​വരുന്ന ഒക്ടോബർ 27 മുതൽ ഈ പരിഷ്‌കാരം രാജ്യവ്യാപകമായി പ്രാബല്യത്തിൽ വരും. ഉത്തരവ് നടപ്പിലാക്കുന്നതിൽ എന്തെങ്കിലും വീഴ്ചയുണ്ടായാൽ റെയിൽവേ ബോർഡ് നേരിട്ട് ഉത്തരവാദിയായിരിക്കുമെന്നും കോടതി കർശന മുന്നറിയിപ്പ് നൽകിയിട്ടുണ്ട്.  

​2023 ജൂണിലെ ഒഡീഷ ട്രെയിൻ അപകടത്തെത്തുടർന്നുള്ള ഹർജി പരിഗണിച്ചാണ് ജസ്റ്റിസുമാരായ അഹ്സാനുദ്ദീൻ അമാനുള്ള, ആർ. മഹാദേവൻ എന്നിവരടങ്ങിയ ബെഞ്ചിന്റെ ഈ ചരിത്രപരമായ ഉത്തരവ്.