ആലപ്പുഴ : വീടുകയറി അയൽവാസികളെ ആക്രമിച്ച കേസ്; പ്രതി അറസ്റ്റിൽ

എടത്വാ: അയൽവാസികളുടെ വീട്ടിൽ അതിക്രമിച്ചുകയറി ആക്രമണം നടത്തിയെന്ന പരാതിയിൽ തായംകരി 60-ൽ ചിറയിൽ ജീവനെ എടത്വാ പൊലീസ് അറസ്റ്റ് ചെയ്തു.

കഴിഞ്ഞ 23-ന് രാത്രി 7.45ഓടെയാണ് സംഭവം നടന്നത്. അയൽവാസിയായ കുമാരി നടേശൻ, ഭർത്താവ്, മകൾ എന്നിവരെ പ്രതി വീട്ടിൽക്കയറി ആക്രമിച്ചെന്നാണ് പരാതി.

എടത്വാ പൊലീസ് സബ് ഇൻസ്‌പെക്ടർ എൻ. രാജേഷിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. അഡീഷണൽ സബ് ഇൻസ്‌പെക്ടർ റിജോ, സീനിയർ സിവിൽ പൊലീസ് ഓഫീസർമാരായ ഹരികൃഷ്ണൻ, സനീഷ്, സിവിൽ പൊലീസ് ഓഫീസർമാരായ ഇമ്മാനുവൽ, വൈശാഖ് എന്നിവരും അന്വേഷണ സംഘത്തിലുണ്ടായിരുന്നു.

അമ്പലപ്പുഴ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.